حمامي اليوم

عسلامتكم مازلت كي خرجت من حمامي طبعا غسلت شعري مالاول باش البخار يملا الدوش اما لامره هذه وهي او ل مره في حياتي عملت الكوواش عملته بالبلسم هذا

لسبب بسيط الي هو ماده مافيهش برشا مكونات مافيه الا الفيتامين ه و مافيهش سيليكون و هذه اهم احجه زيد كميته كبيره متوفر و رخيص نخمم نزيده حجات المره الجايه ما نستنى باش نحكم عنالتنتيجه وقت يشيح شعري بعدها استعملت ماسك فاتيكا بالثوم كيما ترو

انا مهواش عاجبني برشا خصوصانه شعري شيح ماحسيتش عملي حجه كبيره رغم اللي نحسه نوعا ما يطول المهم نستنى باش نكملو و معادش نعاود نشريه
وقت كملت من شعري تعديت لحمي حكيته بالكاسه كي العاده   لكن الطقس البارد ما خلاني اعمل ماسك الجديد اليوم هي اول تجربه لي مع كريم كاب السنفر

ريحته ورد قوامه كانه قناع طبيعي مش سنفره و ملمسه جميل ولطيف على البشره حبيته خصوصا انه بشره وجهي حساسه شويه بسبب اللوكاسيد ( ما يعرف  بالرتن اي ) ما حرقني و لاسببلي اي مشكله

ختمت طبعا مع صابوني اللي لاول مره يجففلي البشره اللي هو بياري يمكن لانه الطقس بارد عند الخروج رطبت بكريم الجزر كاروتون  ايفلاين لمحيط لاعين  زيت خروع للرموش و زيت كوشور لشعر